Melele kin Bok Aidik (Marshallese)

Bok Aidik ej juon nañinmij eo ekabobo im emaron lukkun kauwōtata ej kōmman piba, nennab, pokpok, im būrōrō im dāndān iju in māj. Elab an ajeeded ilo mejatoto alikin an juon armij eo ewōr bok aidik ibben enaj pokpok ak maje.

Kakōlkōl ko an pok aidik rej jino jilimjuon ñan 21 raan alikin ad kebaak nañinmij eo. Emaron kabobo bok aidik tarrin emen raan mokta jen an nennab walok mae emen raan alikin an jako nennab eo. Armij remaron kaajeeded bok aidik mokta jen an walok nennab ko rej mōttan bok aidik.

Armij ro elabtata uwōta ñan aer kebaak bok aidik ej armij ro rejañin wā, kirae ro rebōroro, niñniñ ko rediklok jen jiljino aer allon im ro emojno an enbwinnier maron bōbrae jen nañinmij. Emōj watōke ewōr an armij kein bōbrae jen bok aidik elañe jabdewōt laajrak kein ekkar ñan er:

• Kwar lotak mokta jen 1957
• Ewōr am jemlokin teej in bōtōktōk ej kwalok ewōr am kein bōbrae jen bok aidik 
• Kwōjelā ke emōj an kar juon taktō kakōlkōl eok kin nańinmijin bok aidik moktalok 
• Ededelok wā in bok aidik ko am ilo ien in (juon wā ñan ajiri ro 12 aer allon ñan jilu aer yiō, ruo wā ñan jabdewōt eo emen an yiō im rūttolok).

Tebol in laajrak ej kwalok joñan ikut in nañinmijin bok aidik ko rej kōjella kaki ilo jukjukinbed eo:

Nañinmij ko ejejā ien aer walok im nañinmij ko ibben jet armij ro rej bed iturin doon ekkā aer jino walok jen an armij itok jen aelon ko elablok nañinmijin bok aidik. An lablok an walok nañinmij ekkā an walok jen ejjā wāween eo bōtab ej lablok an ajeeded ilo ien ej bed ibben juon doulul in armij ak jukjukinbed im edik joñan armij ro emōj aer wā. Jekdoñ ewōr kejbarok jen 2 wā im ej wāween eo elabtata an jerbal ñan an armij jab bōk nañinmij eo, elukkun jejā ak jet ien kajojo armij ro emōj aer wā remaron bar nañinmij kin bok aidik. Ilo 2019 im ear walok nañinmij eo, 4% wōt in nañinmij eo ear ibben armij ro elukkun dedelok aer wā.  

Melele kin Wā

Jinen im jemen im rikejbarok ro an ajiri remaron lale jekjekin wā ko an ajiri ro nejeir ak print ae Peba in Kamool Jekjekin Wā ilo https://wa.myir.net, ñe ejab ilo aer kebaak taktō eo aer.

Ewōr wā im ejellok wonnen ñan aoleb ajrii ro mae 18 aer yiō. Ñe juon taktō enaj lewaj wonnen aer lelok wā eo, jinen im jemen ak rikejbarok ro remaron kajitōk aer jolok wonnen eo elañe rejab maron kollaiki. Iomwin kakien, aoleb ajiri rej aikuj bōk wā ko an ajiri emōj rōjañ an ajiri bōki im taktō ro aer rej aikuj lelok jekdoñ rejab maron kolla wonnen.